SDPI கட்சி வழக்கறிஞர் அணியின் மாநில பொதுக்குழு கூட்டம் இன்று(ஜன.14) மதுரையில் உள்ள அண்ணபூர்ணா ஹோட்டலில் வழக்கறிஞர் அணியின் மாநில தலைவர் வழக்கறிஞர். அப்பாஸ் தலைமையில் நடைபெற்றது. மாநில பொருளார் வழக்கறிஞர் சுலைமான் பாட்ஷா பொதுக்குழுவிற்கு வருகை தந்த அனைத்து வழக்கறிஞர்களையும் வரவேற்றார்.

இந்தியாவின் பெருமைகளை காப்போம் என்ற தலைப்பில் ஜம்யிய்யத்து அஹ்லில் குர்ஆன் வல் ஹதீஸ் (JAQH) சார்பில் மதுரையில் மாபெரும் கருத்தரங்கம் நடைபெற்றது. இக்கருத்தரங்கில் சிறப்பு அழைப்பாளராக SDPI கட்சியின் மாநில தலைவர் கே.கே.எஸ்.எம்.தெகலான் பாகவி பங்கேற்று கருத்துரையாற்றினார்.

மதுரையில் இன்று (22/10/2017) எஸ்.டி.பி.ஐ. கட்சியின் சார்பில் பத்திரிக்கையாளர் சந்திப்பு நிகழ்ச்சி நடைபெற்றது. அப்போது செய்தியாளர்களிடம் பேசிய எஸ்.டி.பி.ஐ. கட்சியின் மாநில தலைவர் கே.கே.எஸ்.எம். தெகலான் பாகவி கூறியதாவது;

மெர்சல் திரைப்படத்தில் பதிவிடப்படுள்ள காட்சிகள் அனைத்தும் மக்களின் உணர்வுகளுக்கு பிரதிபலித்து, அரசு செய்யும் தவறுகளை ஜனநாயக முறையில் சுட்டிக்காட்டப்பட்டுள்ளது. இது போன்ற நல்ல கருத்துக்களை எஸ்.டி.பி.ஐ. கட்சி தொடர்ந்து வரவேற்கும்;

மெர்சல் திரைப்படத்தில் ஜி.எஸ்.டி. வரி மற்றும் பண மதிப்பிழப்பு நடவடிக்கை, அரசு மற்றும் தனியார் மருத்துவமனைகளின் அவலங்கள்குறித்த கருத்துக்களை பதிவு செய்ததற்காக பாரதிய ஜனதா கட்சியை சேர்ந்தவர்கள் திரைப்படத்துறையினரை மிரட்டுவதையும், படத்தின் காட்சிகளை நீக்க வலியுறுத்துவதையும் திரைப்படத் துறையினருக்கும்,கலைஞனுக்கும் இருக்கும் கருத்து சுதந்திரத்தை பறிக்கும் செயலாகும்.இதனை எஸ்.டி.பி.ஐ. வன்மையாக கண்டிக்கிறது.

மெர்சல் திரைப்படத்தில் அரசியல் சார்ந்து பதிவிடப்பட்டுள்ள காட்சிகளில் சில கூடுதல் குறைவுகள் இருக்கலாமே தவிர அது உண்மையாக மக்கள் உணர்வுகளின் பிரதிபலிப்பே ஆகும். ஜி.எஸ்.டி. வரி நாடு முழுவதும் அமலுக்கு வந்த பிறகு மக்கள் பெறும் கொதி நிலையில் இருக்கிறார்கள் அந்த கொதி நிலைதான் இப்படித்தில் காட்சியாக்கப்பட்டதற்கு மக்களின் தரப்பில் மிகுந்த வரவேற்பை பெற்றுத்தந்துள்ளது. பாரதிய ஜனதாவின் யோகி ஆதித்யநாத் தலைமையில் ஆட்சியில் இருக்கும் உத்திரபிரதேச மாநிலத்தின் கோரக்பூரில் அரசு மருத்துவமனையில் சிலிண்டர் இல்லாத காரணத்தினால் ஏற்பட்ட விபத்தில் பலியான 70-க்கும் மேற்பட்ட பச்சிளம் குழந்தைகளுக்கு நேர்ந்த கொடுமைகள் அரசால் ஏற்பட்டது என்பதை படத்தில் காட்சியாக வடிவமைப்பதில் என்ன தவறு இருக்கிறது? ஜிஎஸ்டி வரி விதிப்பு நல்ல திட்டம் என சொல்ல அரசுக்கு உரிமை இருக்கிறது என்றால், அந்த திட்டம் நாட்டிற்கு மிக ஆபத்தானது என்பதை சொல்ல மக்களுக்கும், ஜனநாயகத்தை பாதுகாக்கும் ஊடகங்களுக்கும் உரிமை இருக்கிறது. ஆனால், இக்கருத்துக்களை ஜனநாயக தண்மையுடன் எடுத்துக்கொள்ளாமல் அதற்கு மாற்றமாக பாஜக தலைவர்களான தமிழிசை சௌந்தர்ராஜன் இப்படி கருத்து கூறுபவர்களுக்கு என்ன துணிச்சல் இருக்கிறது என்று மிரட்டுகிறார் மறு பக்கம் எச்.ராஜா நடிகர் விஜயை கிருஸ்தவராக சித்தரிக்க முயலுகிறார்.

மோடி அரசை விமர்சிப்பது இந்துக்களை விமர்சிப்பதை போன்று பேசி வரும் பாஜக தலைவர்களின் கருத்துக்கள் கடுமையான கண்டனத்திற்குரியவை. இந்த விமர்சனத்தை இந்துக்களுக்கு எதிரான விமர்சனம் என்று சொல்வது திசை திருப்பும் செயலாகும். இந்த விமர்சனம் இந்துக்களுக்கு எதிரானது அல்ல, மத்திய அரசுக்கு எதிரான விமர்சனம் ஆகும். அரசு செய்யும் தவறுகளை சுட்டிக்காட்டுவது என்பது ஒவ்வொரு இந்திய குடிமகனுக்கும் இருக்கும் சுதந்திரமாகும், இதற்கு திரைப்பட கலைஞர்கள் மட்டும் விதிவிலக்கல்ல.

மெர்சல் திரைப்படத்தில் தவறான, பொய்யை உமிழக்கூடிய அல்லது சமூகத்தின் மீதான பிளவுகளை உருவாக்கும் கருத்துக்கள் எதுவும் பதிவிடப்படவில்லை மாறாக விழிப்புணர்வூட்டும் கருத்துக்களையும்,அரசினுடைய தவறான செயல்பாடுகளை விமர்சிக்கும் கருத்தாகவே சொல்லப்பட்டிருக்கிறது. இது போன்ற கருத்துக்களை ஒரு கலைஞனாக திரைப்படத்தில் பதிவு செய்வதில் எந்த ஒரு தவறும் இல்லை. மக்களுக்கு விழிப்புணர்வூட்டும் இது போன்ற நல்ல கருத்துக்களை எஸ்.டி.பி.ஐ. கட்சி வரவேற்கிறது. அதே போன்று இந்த கருத்துக்களுக்காக நடிகர் விஜய் உள்ளிட்ட மெர்சல் திரைப்பட படக்குழுவினரை மிரட்டும் பாரதிய ஜனதா கட்சியினரை எஸ்.டி.பி.ஐ. கட்சி வன்மையாக கண்டிக்கிறது.

தொடர்ந்து பா.ஜ.க.வின் தலைவர்கள் கருத்துறிமைக்கு எதிராகவும், சமூக ஒற்றுமைக்கு எதிரான மிரட்டல் மற்றும் வன்முறை போக்கை கையாண்டு வருகிறார்கள். மோடி அரசுக்கு எதிராக கருத்துக்களை பதிவு செய்யும் பத்திரிக்கைகள், தொலைகாட்சிகள், முற்போக்கு சிந்தனையாளர்கள் தொடர்ந்து மிரட்டப்பட்டு வருகிறார்கள். இது ஜனநாயக நாட்டிற்கு உகந்ததல்ல என்பதை நாங்கள் எச்சரிக்கையோடு தெரிவித்துக் கொள்கிறோம். தனிக்கை செய்து வெளியிடப்பட்டுள்ள மெர்சல் திரைப்படத்தில் அரசியல் சார்ந்து பதிவிடப்பட்டுள்ள காட்சிகளை சில அரசியல் காரணங்களுக்காக மெர்சல் திரைப்படகுழுவினர் அக்காட்சிகளை நீக்கக்கூடாது என்பதை கேட்டுக்கொள்கிறேன். ஆரோக்கியமான விமர்சனங்களை எதிர்ப்பது என்பது சர்வாதிகார ஃபாசிச போக்காகும். சர்வாதிகாரமான ஃபாசிசத்தோடு செயல்படக்கூடாது என்று பாஜக தலைவர்களை நாங்கள் எச்சரிக்கிறோம்.

அதுமட்டுமின்றி விஸ்வரூபம் மற்றும் துப்பாக்கி படப்பிரச்சினைகளை மெர்சல் திரைப்படத்துடன் முடிச்சிப்போடும் செயலை எஸ்.டி.பி.ஐ. கட்சி கண்டிக்கிறது. விஸ்வரூபம் மற்றும் துப்பாக்கி திரைப்படங்களில் ஒரு சமூகத்தினரை தீவிரவாதிகளாக சித்தரித்த செயலைதான் இஸ்லாமியர்கள் எதிர்த்தார்கள். அதோடு முஸ்லிம்கள் தங்களது உயிரைவிட மேலாக மதிக்கும் திருக்குர்-ஆனுடைய வசனங்களை இப்படித்தில் தவறாக சித்தரித்தார்கள். இக்காரணங்களுக்காகத்தான் இஸ்லாமியர்கள் இப்படங்களை எதிர்த்தார்கள். இந்த இரண்டு கருத்துக்களும் ஒன்றல்ல. மெர்சல் திரைப்படத்தில் வெளியிடப்படுள்ள காட்சிகள் அனைத்தும் அரசு செய்யும் தவறுகளை சுட்டிக்காட்டும் காட்சிகள்தான். எனவே, இந்த இரண்டு பிரச்சினைகளையும் முடிச்சிப்போடும் செயல் என்பது தவறானதாகும். இதனை ஒரு போதும் எஸ்.டி.பி.ஐ. கட்சி ஏற்றுக்கொள்ளாது.

டெங்கு காய்ச்சலை கட்டுப்படுத்துவதற்கு போர்க்கால நடவடிக்கைகளை மேற்கொள்ள வேண்டும் என தமிழக அரசை வலியுறுத்தி கேட்டுக் கொள்கிறேன்;

அரசு மருத்துவமனைகளின் தரத்தை உயர்த்தும் நடவடிக்கைகளை தமிழக அரசு விரைவாக மேற்கொள்ள வேண்டும். டெங்கு காய்ச்சலுக்கு எதிரான விழிப்புணர்வு பிரச்சாரங்கள், மருத்துவ முகாம்கள், நிலவேம்பு குடிநீர்வழங்கும் முகாம்களை எஸ்.டி.பி.ஐ. கட்சியின் நிர்வாகிகள் மாநிலம் முழுவதும் கிளைகள் தோறும் முன்னெடுத்து வருகிறார்கள். டெங்குவின் தாக்கம் தமிழகம் முழுவதும் பரவலாக அதிகரித்துள்ளதால் டெங்கு ஒழிப்பு பணிகளை இன்னும் அதிகமாக நடத்திட கட்சியின் தொண்டர்களுக்கு அறிவிறுத்தி இருக்கிறோம். டெங்கு காய்ச்சலை குணப்படுத்த அரசு மற்றும் பிற அரசியல் கட்சிகள் முன்னெடுத்து வரும் நடவடிக்கைகளுக்கு முழு ஒத்துழைப்பு கொடுக்க வேண்டும். அதை போன்று பொதுமக்களும் தங்கள் பகுதிகளை தூய்மையாக வைத்துக் கொள்ள உதவிட வேண்டும் என கேட்டுக் கொள்கிறேன். தமிழக அரசு டெங்குவால் உயிரிழந்தவர்களுக்கு தலா ரூ. 5 லட்சம் நிதி உதவி வழங்க வேண்டும் எனவும் கேட்டுக் கொள்கிறேன்.

உள்ளாட்சி மற்றும் சட்டமன்ற தேர்தலை எதிர்கொள்ள எஸ்.டி.பி.ஐ. பணிகளை முடுக்கிவிடப்பட்டுள்ளது;

தமிழகம் முழுவதும் சட்டமன்ற தொகுதிகளில் சுமார் நூறு தொகுதிகளை தேர்ந்தெடுத்து அந்த நூறு தொகுதிகளில் எஸ்.டி.பி.ஐ. கட்சி போட்டியிடுவதற்கு தகுதியான நடவடிக்கைகளை மேற்கொண்டுள்ளது.அதன் அடிப்படையில் கட்சியின் உறுப்பினர்களை அதிகரிப்பது, கட்சியின் கொள்கைகளை பரவலாக்குவது, அதன் மூலம் பலப்படுத்துவது போன்ற செயல்களை முன்னெடுத்துள்ளோம்.

ஏற்கனவே உள்ளாட்சி தேர்தலை சந்திக்கும் அளவிற்கு எஸ்.டி.பி.ஐ. தயாராக இருக்கிறது. சுமார் ஆயிரத்திற்கும் மேற்பட்ட இடங்களில் உள்ளாட்சி தேர்தலில் போட்டியிடுவதற்கு வேட்பாளர்களை தயார் செய்து வைத்திருக்கிறோம். இந்த நிலையில் சட்டமன்ற தேர்தலையும் எதிர் கொள்ளும் அளவிற்கு கட்சியின் பணிகளை முடுக்கிவிட்டுள்ளோம். அதற்காக நாங்கள் தேர்ந்தெடுத்திருக்கும் நூறு தொகுதிகளில் அதற்குரிய பணிகளை வீரியமாக்கி உள்ளோம். எப்போது உள்ளாட்சி மற்றும்சட்டமன்ற தேர்தல் வந்தாலும் அதனை சந்திப்பதற்கு எஸ்.டி.பி.ஐ. கட்சி தயாராக இருக்கிறது.

தமிழக அரசு மற்றும் ஆட்சியாளர்கள் மக்களின் பிரச்சினைகளில் கவனம் செலுத்த வேண்டும்;

தமிழக அரசு மற்றும் ஆட்சியாளர்களை பொறுத்தவரை மக்களின் பிரச்சினைகளில் கவனம் செலுத்தாமல் ஆட்சியை காப்பாற்றுவதற்காக மத்திய அரசுக்கு கும்பிடுப்போடும் செயல்களிலேயே மிகுந்த கவனத்தை செலுத்தி வருகிறார்கள். அரசும், அமைச்சர்களும் மாவட்டம் தோறும் சென்று அரசு செலவில் கோடிக்கணக்கான ரூபாயில் எம்.ஜி.ஆர். நூற்றாண்டு விழாவை நடத்தும் செயல்களிலும், அதற்கு பந்தல் நடுவதிலும், அதனை ஏற்பாடு செய்வதிலுமே தங்களது நேரத்தை போக்கி வருகின்றனர். மாறாக மக்கள் பிரச்சினைகளில் கவனம் செலுத்துவதில்லை. இந்நிலையில் சில நேரங்களில் சில அமைச்சர்கள் பேசி வரும் பேச்சுக்கள் தமிழக அரசியலில் புரியாத புதிராகவும், மக்கள் மன்றத்தில் அப்பேச்சுக்கள் கேலிப்பொருளாகவும், ஊடகத்தில் காட்சி பொருளாகவும் மாறிவருகிறது.

அந்த வகையில் சமீபத்தில் அமைச்சர் ராஜேந்திர பாலாஜி அவர்கள் ”எல்லாவற்றையும் மோடி பார்த்துக்கொள்வார்” என்று மோடியிடம் சரணடைவது போன்று அவர் பேசி இருப்பது அதிமுக அமைச்சர்களின் மனநிலையை அவர் பிரதிபலித்தது போன்று அமைந்திருக்கிறது.

அதிமுகவை பல கூறுகளாக பிரித்து அக்கட்சியினுடைய இரட்டை இலை சின்னத்தை முடக்கி தமிழகத்தில் திராவிட கட்சிகளை ஒழிக்கும் செயல்திட்டங்களை ஏற்படுத்தி உள்ள பாஜகவினர்களை எதிர்க்கும் நிலையில் இல்லாத ஒரு திராணி அற்ற அரசாக அதிமுக அரசு செயல்பட்டுவருகிறது. இதற்கு மாறாக அதிமுக அமைச்சர்கள் எல்லாவற்றையும் மோடி பார்த்துக்கொள்வார் என்று பேசி வருவதை அதிமுக தொண்டர்களும் ஏற்றுக்கொள்ளமாட்டார்கள், தமிழக மக்களும் ஒரு போதும் ஏற்றுக்கொள்ளமாட்டார்கள்.

பேரிடர்களை எதிர்கொள்ளும் அளவிற்கு தமிழக அரசு தயார் நிலையில் இருக்க வேண்டும்;

வடகிழக்கு பருவமழை நெருங்கி வருகிறது. அதற்கான காலங்கள் துவங்க இருக்கும் இந்நிலையில் அதற்கான தடுப்பு பணிகளையும், முன்னெச்சரிக்கை நடவடிக்கைகளையும் மிக வேகமாக தமிழக அரசு துரிதப்படுத்திட வேண்டும் என்று வலியுறுத்திக்கேட்டுக் கொள்கிறேன். கடந்த காலங்களில் தொடர்ந்து பேரிடர்கள் சென்னை மற்றும் கடலூர் போன்ற மாவட்டங்களை பெரிதும் பாதித்திருக்கிறது என்று தமிழக அரசுக்கு நினைவுபடுத்த விரும்புகிறேன்.

ஆலத்தூரன்பட்டி இளைஞர் படுகொலையில் காவல்துறையினரின் நடவடிக்கை ஒருதலைபட்சமானது. உயர் அதிகாரிகள் தலையிட்டு உரிய நடவடிக்கை மேற்கொள்ள வேண்டும்;

திண்டுக்கல் மாவட்டம் கன்னிவாடி அருகே ஆலத்துாரான்பட்டியில்நஜ்முதீன் (வயது 20) என்ற இளைஞர் முன் விரோதத்தின் காரணமாக அதே பகுதியை சேர்ந்த மணிகண்டன் மற்றும் அவரது ஆதரவாளர்களாள் நேற்று (21.10.2017) படுகொலை செய்யப்பட்டுள்ளார். இத்தகவல் அறிந்து சம்பந்தப்பட்டவர்களை பிடித்து சென்ற காவல்துறையினர் கொலை வழக்கில் கைது செய்யாமல் மாறாக மணிகண்டன் மற்றும் அவரது கூட்டாளிகள்விரைவில் வெளிவரக்கூடிய பிரிவுகளின் கீழ் வழக்கு பதிவு செய்துள்ளது என்பதை அறிகிறோம். இதனை எஸ்.டி.பி.ஐ. கட்சி வன்மையாக கண்டிக்கிறது. காவல்துறையின் உயர் அதிகாரிகள் இப்பிரச்சினையில் தலையிட்டு சம்பந்தப்பட்ட குற்றவாளிகளை கொலை வழக்கில் வழக்கு பதிவு செய்து கடுமையான சட்ட நடவடிக்கைகளுக்கு உட்படுத்திட வேண்டும். கொலை செய்யப்பட்டவருடைய குடும்பத்திற்கு அரசு நிவாரணம் வழங்க வேண்டும் என கேட்டுக்கொள்கிறேன்.

இப்பேட்டியின் போது மதுரை மாவட்ட தலைவர் ஜாபர் சுல்தான், பொதுச்செயலாளர் பிலால்தீன், செயலாளர்கள் கமால் பாஷா, சிக்கந்தர், சாகுல், துணைத் தலைவர் சீமான் சிக்கந்தர், பொருளாளர் சுப்ரமணியம், ஊடக பொறுப்பாளர் சிக்கந்தர் ஆகியோர் உடன் இருந்தனர்.

SDPI கட்சியின் மாநில ஊடக நிர்வாகிகள் கூட்டம் மாநில தலைவர் கே.கே.எஸ்.எம்.தெகலான் பாகவி தலைமையில் மதுரையில் இன்று நடைபெற்றது. இக்கூட்டத்தில் கட்சியின் மாநில ஊடகம் மற்றும் மக்கள் தொடர்பு ஒருங்கிணைப்பாளர் ஏ.கே.கரீம் உட்பட பல்வேறு மாவட்ட ஊடக நிர்வாகிகள் பங்கேற்றனர். மேலும் இக்கூட்டத்தில் சிறப்பாக செயல்பட்ட ஐந்து மாவட்ட நிர்வாகிகளுக்கு விருதுகள் வழங்கி கௌரவிக்கப்பட்டது.

டெங்கு காய்ச்சலை தடுக்கும் வகையில் SDPI கட்சி மதுரை மாவட்டம் தெற்கு தொகுதி 30 மற்றும் 31-வது வார்டில் பொதுமக்களுக்கு நிலவேம்பு குடிநீர் விநியோகிக்கப்பட்டது

தமிழகத்தில் அதிகரித்து வரும் டெங்கு காய்ச்சல் பரவலை தடுக்க மாநிலம் முழுவதும் ”டெங்குவை ஒழிப்போம்” என்கிற மாபெரும் பிரச்சாரம் SDPI கட்சியின் சார்பில் முன்னெடுக்கப்படுகிறது. இப்பிரச்சாரத்தில் டெங்கு குறித்த விழிப்புணர்வு நிகழ்ச்சிகள், சுகாதாரப் பணிகள், நிலவேம்பு கசாயம் வழங்கும் பணிகள், ஆங்காங்கே மருத்துவ முகாம்கள் உள்ளிட்டவை தமிழகம் முழுவதும் நடைபெறுகிறது.

டெங்கு காய்ச்சலை குணப்படுத்தும் நிலவேம்பு குடிநீர் SDPI கட்சி மதுரை மாவட்டம் மத்திய தொகுதி 86-வது வார்டு குப்புபிள்ளை தோப்பு கிளை சார்பாக பொதுமக்களுக்கு வழங்கப்பட்டது.

மத்திய பா.ஜ.க. அரசின் மக்கள் விரோத மற்றும் ஜனநாயக விரோத போக்குகளை மக்கள் மன்றத்தில் எடுத்துறைப்பதற்காக பாப்புலர் ஃப்ரண்ட் ஆஃப் இந்தியா தேசிய அளவில் நிகழ்சிகளை நடத்தி வருகிறது. இதன் ஒரு பகுதியாக தமிழகத்தில் மதுரை மற்றும் சென்னையில் உரிமை முழக்க மாநாடுகளை நடத்தியது.

மதுரை:

அக்டோபர் 7 சனிக்கிழமை அன்று மதுரை ஒத்தக்கடை விவசாய கல்லூரி எதிரில் உள்ள மருதநாயகம் திடலில் ‘நாங்கள் சொல்வது என்ன?’ என்ற தலைப்பில் பெருந்திரள் மாநாடு நடைபெற்றது. பாப்புலர் ஃப்ரண்டின் மாநில தலைவர் எம். முஹம்மது இஸ்மாயில் மாநாட்டிற்கு தலைமையில் நடைபெற்ற இந்த மாநாட்டில் எஸ்.டி.பி.ஐ. கட்சியின் தேசிய தலைவர் எ.சயீத் சிறப்பு அழைப்பாளராக கலந்துகொண்டு உரை நிகழ்த்தினார்.

அப்போது அவர் தனது உரையில், “வளர்ச்சி, ஊழல், கருப்புபணம் என்ற வார்த்தை பிரயோகங்களோடு, மத்தியில் மோடி தலைமையிலான ஆட்சி அமைந்த பிறகு, நாட்டின் பொருளாதாரம் கடும் வீழ்ச்சியை கண்டுள்ளது. அத்தியாவசிய பொருட்களின் விலையை மோடி அரசு கட்டுப்படுத்த தவறியதால் சாமானிய மக்கள் கடும் அவதிகளை சந்தித்து வருகின்றனர். எவ்வித திட்டமிடுதலும் இல்லாமல் பொருளாதார ஆய்வாளர்களின் எச்சரிக்கையை மீறி கொண்டுவரப்பட்ட டிமானிடைசேஷன் மற்றும் ஜி.எஸ்.டி. போன்றவை மோடி அரசின் ஏமாற்றுவேலை என்பது தெளிவாகியுள்ளது. பாஜகவின் மூத்த தலைவர்களே மோடி அரசின் தவறான பொருளாதார நடவடிக்கையால் பொருளாதாரம் சீரழிந்துவிட்டதாக ஒப்புதல் வாக்குமூலம் அளித்து வருகின்றனர்.

இந்தியாவின் அடிப்படை கொள்கையான மதசார்பற்ற தன்மையை மாற்றி இந்து ராஷ்டிரத்தை அமைக்க பாஜகவும், ஆர்.எஸ்.எஸூம் முயற்சித்து வருகின்றன. பாஜக அமைச்சர்கள், முதல்வர்கள் மற்றும் தலைவர்களின் பேச்சுக்கள் நாட்டில் பதட்டமான சூழலை உருவாக்கி வருகின்றன. வகுப்புவாத சிந்தனைகளோடு மாட்டின் பெயரால் அப்பாவிகளை கும்பலாக தாக்கி கொலை செய்யும் நிகழ்வுகள் அதிகரித்து வருகின்றன. பாஜக ஆளும் மாநிலங்களில் சிறுபான்மை முஸ்லிம்களுக்கு பாதுகாப்பு இல்லாத சூழலில் அவர்கள் அச்சத்துடன் வாழ்ந்து வருகின்றனர்.

இந்தியாவின் அச்சாரமான சகிப்புத்தன்மையும், மதச்சார்பின்மையும் அசைக்க முடியாதவை. அவற்றைக் கொண்டு இந்தியாவின் வலுவான பொருளாதாரத்தை உருவாக்காமல், அதன் அடித்தளத்தை வலுவிலக்கச் செய்யும் வகுப்புவாத நடவடிக்கைகளுக்கு துணைபோவதை மத்திய மோடி அரசு கைவிட வேண்டும். சாமனிய மக்களை பாதிக்கும் வகையில் அதேநேரம் கார்ப்பரேட்டுகளின் வளர்ச்சியை மட்டும் கவனத்தில் கொள்ளும் பொருளாதார நடவடிக்கைகளையும் மோடி அரசு கைவிட வேண்டும் எனவும் தெரிவித்தார். பாசிசத்தை எதிர்கொள்வதில் மற்ற கட்சிகள் முன்வராவிட்டாலும் பாப்புலர் ஃப்ரண்டுடன் இணைந்து எஸ்.டி.பி.ஐ. கட்சியும் பாசிசத்தை எதிர்க்கும், உறுதுணையாக இருக்கும் என சூளுரைத்தார். 
மேலும், இம்மாநாட்டில் எஸ்.டி.பி.ஐ. கட்சியின் மாநில தலைவர் கே.கே.எஸ்.எம். தெஹ்லான் பாகவி, தமிழ்நாடு கொங்கு இளைஞர் பேரவை நிறுவன அமைப்பாளரும் சட்ட மன்ற உறுப்பினருமான உ.தனியரசு, பச்சை தமிழகம் கட்சி தலைவர் சுப.உதயகுமார், சி.பி.ஐ. நிர்வாக குழு உறுப்பினரும் முன்னாள் சட்டமன்ற உறுப்பினருமான குணசேகரன், தமிழக மக்கள் ஜனநாயக கட்சி தலைவர் கே.எம்.சரீப், நேஷனல் விமென்ஸ் ஃப்ரண்ட் தேசிய துணை தலைவர் பாத்திமா ஆலிமா, ஆல் இந்தியா இமாம்ஸ் கவுன்சில் மாநில பொது செயலாளர் சம்சுல் இக்பால் தாவூதி ஆகியோர் கலந்து கொண்டு சிறப்புரை ஆற்றினர்.

முன்னதாக கட்சியின் மாநில பொதுச் செயலாளர் அப்துல் ஹமீது தேசிய தலைவர் எ.சயீத் அவர்களின் உரையை மொழிபெயர்த்து விளக்க உரையாற்றினார். மேலும் இம்மாநாட்டில் எஸ்.டி.பி.ஐ. கட்சியின் மாநில துணைத் தலைவர் நெல்லை முபாரக், பொதுச்செயலாளர் எம்.நிஜாம் முகைதீன் உட்பட கட்சியின் நிர்வாகிகள் பலர் கலந்துகொண்டு சிறப்பித்தனர்.

சென்னை:

இதேபோன்று சென்னை இராயப்பேட்டை ஒய்.எம்.சி.ஏ. மைதானத்திலும் அக்-08 அன்று பல்லாயிரக்கணக்கான மக்கள் கலந்துகொண்ட உரிமை முழக்க மாநாடு நடைபெற்றது. பாப்புலர் ஃப்ரண்டின் மாநில தலைவர் எம். முஹம்மது இஸ்மாயில் தலைமை தாங்கிய இந்த மாநாட்டில் சிறப்பு அழைப்பாளராக கலந்து கொண்ட எஸ்.டி.பி.ஐ. கட்சியின் மாநில தலைவர் கே.கே.எஸ்.எம். தெகலான் பாகவி உரை நிகழ்த்தினார்.

இந்தியா முழுவதும் கோடிக்கணக்கான மக்கள் ஆதரவு கொண்ட மாபெரும் மக்கள் பேரியக்கமான பாப்புலர் ஃப்ரண்ட் ஆஃப் இந்தியாவிற்கு தலித் சமூகம், இஸ்லாமிய சமூகம், முற்போக்கு சிந்தனையாளர்கள் உட்பட பலரின் ஆதரவு எப்போதும் இருந்து கொண்டே இருக்கும், ஏனென்றால் சமூக பிரச்சினைகளுக்காகவும், பாசிச அரசுக்கு எதிராகவும், நசுக்கப்படும் விளிம்பு நிலை மக்களுக்காகவும் இந்திய அளவில் அனைத்து மக்களையும் ஒருங்கிணைத்து போராடும் மாபெரும் பேரியக்கமாக இந்தியாவில் இருந்து வருகிறது. அது மட்டுமின்றி இந்திய அளவில் இயற்கை பேரிடர் மீட்பு குழுவாகவும் ஜாதி, மதம் பாராமல் தன்னலமற்ற பரந்த சேவையாற்றி வருகிறது பாப்புலர் ஃப்ரண்ட்.

தேசிய புலனாய்வு முகமை எனப்படும் என்.ஐ.ஏ. (NIA), மக்கள் சேவையாற்றி வரும் பாப்புலர் ஃப்ரண்ட் ஆஃப் இந்தியாவின் மீது சுமத்தப்படும் குற்றச்சாட்டுகள் அனைத்தும் ஆதாரமற்றவை என்பது பல தருணங்களில் நிரூபணம் ஆகியுள்ளது. பாப்புலர் ஃப்ரண்ட் இந்திய மக்களுக்கு செய்து வரும் சேவைகளை முடக்கிட வேண்டும் என்ற முழு மூச்சோடு செயல்பட்டு வரும் பாசிச அரசுக்கு துணையாக நிற்கும் என்.ஐ.ஏ.வின் குற்றச்சாட்டுகளை, பாப்புலர் ஃப்ரண்ட் ஜனநாயக ரீதியில் எதிர்கொண்டு முறியடிக்கும். இச்செயலில் எஸ்.டி.பி.ஐ. கட்சியும் பாப்புலர் ஃப்ரண்டிற்கு துணை நிற்கும் என தெரிவித்தார்.

மேலும், இம்மாநாட்டில் பாப்புலர் ஃப்ரண்டின் தேசிய தலைவர் இ.அபுபக்கர், தேசிய பொதுச்செயலாளர் எம்.முஹம்மது அலி ஜின்னா, தேசிய செயற்குழு உறுப்பினர் ஏ.எஸ். இஸ்மாயில், கர்நாடகா மாநில தலைவர் M.முகம்மது ஸாகிஃப், விடுதலை சிறுத்தைகள் கட்சி தலைவர் தொல்.திருமாவளவன், இந்திய தவ்ஹீத் ஜமாஅத் தலைவர் S.M.பாக்கர், தமிழக வாழ்வுரிமை கட்சி தி.வேல்முருகன், NCHRO மாநில தலைவர் மூத்த வழக்கறிஞர் பவானி பா.மோகன், ஆல் இந்தியா இமாம்ஸ் கவுன்சில் மாநில தலைவர் மௌலவி. A.ஆபிருதீன் மன்பஈ, அனைத்து இஸ்லாமிய இயக்கங்கள் மற்றும் அரசியல் கட்சிகளின் கூட்டமைப்பு ஒருங்கிணைப்பாளர் A.K முஹம்மது ஹனிபா, மனிதநேய ஜனநாயக கட்சி மாநில பொருளாளர் S.S.ஹாரூன் ரஷீது, விமன் இந்தியா மூவ்மென்ட் மாநில தலைவர் S.நஜ்மா பேகம், மே 17 இயக்கத்தின் ஒருங்கிணைப்பாளர் தோழர்.திருமுருகன் காந்தி, வெல்ஃபேர் பார்ட்டி ஆஃப் இந்தியா மாநில தலைவர் S.N.சிக்கந்தர் ஆகியோர் கலந்து கொண்டு சிறப்புரை ஆற்றினர்.

மேலும், இம்மாநாட்டில் எஸ்.டி.பி.ஐ. கட்சியின் மாநில பொதுச்செயலாளர் நிஜாம் முகைதீன், துணைத் தலைவர் அம்ஜத் பாஷா, செயலாளர்கள் அப்துல் சத்தார், அமீர் ஹம்ஸா, ரத்தினம், மாநில பொருளாளர் முகைதீன் உள்ளிட்ட தலைவர்களும் மாநில மற்றும் மாவட்ட நிர்வாகிகளும் கலந்து கொண்டு சிறப்பித்தனர்.

பெண்கள் உட்பட பல்லாயிரக்கணக்கான மக்கள் இம்மாநாட்டில் கலந்து கொண்டு பாப்புலர் ஃப்ரண்டின் உரிமை முழக்கத்திற்கு ஆதரவாக குரல் கொடுத்தனர்.

இம்மாநாடுகளில் பாசிசத்திற்கு எதிரான கூட்டமைப்புகள் வலுப்படுத்தப்பட்டு களப்பணி ஆற்றிட வேண்டும், தேசிய புலனாய்வு முகமையை (என்.ஐ.ஏ.) கலைக்க வேண்டும், பாபரி மஸ்ஜித் மீண்டும் அதே இடத்தில் கட்டப்பட வேண்டும், பத்தாண்டுகள் சிறையில் கழித்த சிறைவாசிகளை விடுதலை செய்திட வேண்டும், ரோஹிங்யா அகதிகளுக்கு ஆதரவு கரம் நீட்டுவோம், நீட் தேர்வை ரத்து செய்து கல்வியை மாநில பட்டியலுக்கு மாற்ற வேண்டும், யு.ஏ.பி.ஏ. உள்ளிட்ட கருப்பு சட்டங்களை நீக்க வேண்டும், பத்திரிகையாளர் கௌரி லங்கேஷின் காட்டு மிராண்டித்தனமாக படுகொலையை செய்த குற்றவாளிகள் உடனடியாக சட்டத்தின் முன் நிறுத்தப்பட வேண்டும். மாநிலங்களுக்கு சுயாட்சியை வழங்கிட வேண்டும், வக்ஃப் வாரியம் சீரமைக்கப்பட வேண்டும், முஸ்லிம்களுக்கு இடஒதுக்கீடு உயர்த்தப்பட வேண்டும், தமிழக விவசாயிகளின் கோரிக்கைகளை நிறைவேற்றிட வேண்டும், லவ் ஜிஹாத் பொய் பிரசாரத்தை நிறுத்த வேண்டும்,கல்வி வளாகங்களை சங்பரிவார்களிடமிருந்து பாதுகாக்க வேண்டும் என்பன போன்ற தீர்மான்ங்கள் நிறைவேற்றப்பட்டன.

பாப்புலர் ஃப்ரண்ட் ஆஃப் இந்தியாவின் உரிமை முழக்க மாநாட்டில் கலந்துகொள்வதற்காக இன்று (அக்.07) மதுரை வருகை தந்த எஸ்.டி.பி.ஐ. கட்சியின் தேசிய தலைவர் எ.சயீத் செய்தியாளர்களை சந்தித்தார். இந்த சந்திப்பின்போது எஸ்.டி.பி.ஐ. கட்சியின் மாநில தலைவர் கே.கே.எஸ்.எம். தெகலான் பாகவி, மாநில பொதுச்செயலாளர் நிஜாம் முகைதீன், மாநில செயற்குழு உறுப்பினர் முஜிபுர் ரஹ்மான், மதுரை மாவட்ட தலைவர் ஜாஃபர் சுல்தான், பொதுச்செயலாளர் பிலால்தீன், மாவட்ட செயலாளர்கள் கமால் பாஷா, சிக்கந்தர், ஷாகுல் ஹமீது, மாவட்ட துணைத் தலைவர் ஜி.எஸ்.சிக்கந்தர் பாட்ஷா, மாவட்ட பொருளாளர் சுப்பிரமணியன், மாவட்ட ஊடக தொடர்பாளர் சிக்கந்தர் மற்றும் மாவட்ட செயற்குழு உறுப்பினர்கள் உடனிருந்தனர்.

சமூக நீதிக்கு எதிரான நீட் தேர்வை தமிழகத்தில் முழுமையாக ரத்து செய்யவேண்டும், மாணவி அனிதாவின் தற்கொலைக்கு மத்திய அரசும் மாநில அரசும் முழு பொறுப்பேற்க வேண்டும், நீட் தேர்வு முறையால் மத்திய, மாநில அரசுகளால் நிறுவனப்படுகொலை செய்யப்பட்ட அனிதாவிற்கு நீதி வேண்டியும், நீட் தேர்வை நிரந்தரமாக ரத்து செய்ய வலியுறுத்தியும் SDPI கட்சியின் மதுரை வடக்கு தெற்கு தொகுதி சார்பில் வடக்கு தொகுதி தலைவர் சிக்கந்தர் தலைமையில் கண்டன ஆர்ப்பாட்டம் புதூர் பேருந்து நிலையம் பகுதியில் நடைபெற்றது.

Page 1 of 2

பசியிலிருந்து விடுதலை! பயத்திலிருந்து விடுதலை!!

செய்திகள்

கட்சி செய்திகள்

தேசிய செய்திகள்

மாநில செய்திகள்

மாவட்ட செய்திகள்

வர்த்தகர் செய்திகள்

வழக்கறிஞர் செய்திகள்

நிர்வாகிகள்

தேசிய நிர்வாகிகள்

மாநில நிர்வாகிகள்

மகளிர் நிர்வாகிகள்

மாவட்ட நிர்வாகிகள்

வர்த்தகர் நிர்வாகிகள்

வழக்கறிஞர் நிர்வாகிகள்

பொதுவானவை

புதிய பாதை

சுவரொட்டிகள்

எங்களைப் பற்றி

அமைப்புச் சட்டம்

கொள்கை விளக்கம்

பத்திரிக்கை அறிக்கை